ಪ್ರೊ. ಎಸ್. ಎಂ. ಗಂಗಾಧರಯ್ಯನವರು ಬೆಳಗಾವಿಯ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದಲ್ಲಿ ಶಾಸ್ತ್ರೀಯ ಕನ್ನಡ ಅಧ್ಯಯನ ಪೀಠದಲ್ಲಿ ಪ್ರಾಧ್ಯಾಪಕರು ಹಾಗೂ ವಿಭಾಗದ ಅಧ್ಯಕ್ಷರಾಗಿ ಕೆಲಸ ಮಾಡುತ್ತಿದ್ದಾರೆ. ಬಹುಮುಖ ಪ್ರತಿಭೆಯುಳ್ಳ ಇವರು ಕನ್ನಡ, ಸಂಸ್ಕೃತ ಮತ್ತು ಇಂಗ್ಲಿಷ್ ಸಾಹಿತ್ಯದಲ್ಲಿ ಉದ್ಯಮ ಪಂಡಿತರಾಗಿದ್ದಾರೆ. ಸಾಂಸ್ಕೃತಿಕ ಉತ್ಕ್ರಾಂತಿಯ ತತ್ವಗಳನ್ನು ಕುರಿತು 42 ಗ್ರಂಥಗಳನ್ನು ರಚಿಸಿದ್ದಾರೆ. “ಸಂಸದೀಯ ನಡಾವಳಿಗಳಲ್ಲಿ ಕನ್ನಡ ಭಾಷೆ” ಎಂಬ ವಿಷಯದಲ್ಲಿ ಒಂದು ಪ್ರಮುಖ ಸಂಶೋಧನಾ ಯೋಜನೆಯನ್ನು ಪೂರ್ಣಗೊಳಿಸಿದ್ದಾರೆ. ತಮ್ಮ “ರಂಗ ಗಂಭೀರ” ಎಂಬ ಕೃತಿಗೆ ಕರ್ನಾಟಕ ನಾಟಕ ಅಕಾಡಮಿ ಪ್ರಶಸ್ತಿ ಮತ್ತು “ಪೃಥಕ್ಕರಣ” ಎಂಬ ಕೃತಿಗೆ ಕರ್ನಾಟಕ ರಾಜ್ಯ ಸಾಹಿತ್ಯ ಅಕಾಡಮಿ ಪ್ರಶಸ್ತಿ ಪಡೆದಿದ್ದಾರೆ. ಅಲ್ಲದೇ “ಶಬ್ದ ಪ್ರಮಾಣ” ಎಂಬ ಕೃತಿಯ 18 ಸಂಪುಟಗಳನ್ನು ಸಂಪಾದಕರಾಗಿ ಹೊರತಂದಿದ್ದಾರೆ. ಈ ಸಂಪುಟಗಳಲ್ಲಿ 12ನೇ ಶತಮಾನದ ಶರೂರ ವಚನಸಾಹಿತ್ಯದ ಬಗ್ಗೆ ವಿಮರ್ಶಾತ್ಮಕ ಟಿಪ್ಪಣಿಗಳಿವೆ. ವಿವಿಧ ಸಂಪುಟಗಳಲ್ಲಿ ಕರ್ನಾಟಕ ರಾಜ್ಯ ವಿಧಾನಸಭೆಯ ಕಾರ್ಯಕಲಾಪಗಳಲ್ಲಿ ನಡೆದ ಸಂಸದೀಯ ಪಟುಗಳ ಚರ್ಚೆ, ವಿಚಾರಗಳು ಸಂಗ್ರಹಿತವಾಗಿವೆ. ಪ್ರಸ್ತುತ ಅವರು “ಅಭಿಜಾತ ಕನ್ನಡ” (ISSಓ 2347-4017) ವೆಂಬ ಹೆಸರಿನ ಪತ್ರಿಕೆಯ ಸಂಪಾದಕಒರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ವಿಶ್ವವಿದ್ಯಾಲಯದ ಮತ್ತು ಬಾಹ್ಯ ಸಂಸ್ಥೆಗಳ ಅನೇಕ ಸಮಿತಿಗಳಲ್ಲಿ ಸದಸ್ಯರಾಗಿದ್ದಾರೆ. ವರಿಷ್ಠ ಡೀನ್ರಾಗಿ ಅವರು ವಿಶ್ವವಿದ್ಯಾಲಯದ ಶೈಕ್ಷಣಿಕ ಮಂಡಳಿ ಮತ್ತು ಸಿಂಡಿಕೇಟ್ನಲ್ಲಿ ಸೇವೆ ಸಲ್ಲಿಸಿದ್ದಾರೆ. ಎರಡು ಸಲ ಕನ್ನಡ ಅಧ್ಯಯನ ಪೀಠದ ಅಧ್ಯಕ್ಷರಾಗಿ, ವಿಶ್ವವಿದ್ಯಾಲಯದ ಸ್ನಾತಕೋತ್ತರ ಅಧ್ಯಯನಗಳ ಶಿಕ್ಷಣ ಮಂಡಳಿ ಹಾಗೂ ಪರೀಕ್ಷಾ ಮಂಡಳಿಯ ಅಧ್ಯಕ್ಷರಾಗಿ ಸೇವೆಗೈದಿದ್ದಾರೆ ಹಾಗೆಯೇ ವಿವಿಧ ವಿಶ್ವವಿದ್ಯಾಲಯಗಳ ಹಲವು ಸಮಿತಿಗಳ ಸದಸ್ಯರಾಗಿಯೂ ಕಾರ್ಯಗೈಯುತ್ತಿದ್ದಾರೆ ಪ್ರಸ್ತುತ ಅವರು ಬೆಳಗಾವಿಯ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದ ಶಾಸ್ತ್ರೀಯ ಕನ್ನಡ ಅಧ್ಯಯನಗಳ ಶಾಲೆಯಲ್ಲಿ ಅಧ್ಯಕ್ಷರಾಗಿ ಹಾಗೂ ಕಾಲೇಜು ಅಭಿವೃದ್ಧಿ ಮಂಡಳಿಯ ನಿರ್ದೇಶಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಹಾಗೆಯೇ, ರಾಣಿ ಚನ್ನಮ್ಮ ಅಧ್ಯಯನ ಪೀಠದ ಅಧ್ಯಕ್ಷರಾಗಿ ಮತ್ತು ವಿಶ್ವವಿದ್ಯಾಲಯದ ವಸ್ತುಸಂಗ್ರಹಾಲಯದ ನಿರ್ದೇಶಕರಾಗಿಯೂ ಸೇವೆಸಲ್ಲಿಸುತ್ತಲಿದ್ದಾರೆ.

ಪ್ರೊ. ಗುಂಡಣ್ಣ ಕಲಬುರ್ಗಿಯವರು ಬೆಳಗಾವಿಯ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದ ಶಾಸ್ತ್ರೀಯ ಕನ್ನಡ ಭಾಷಾ ಅಧ್ಯಯನ ಸಂಸ್ಥೆಯಲ್ಲಿ ಪ್ರಾಧ್ಯಾಪಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಪ್ರತಿಭಾಸಂಪನ್ನರಾದ ಇವರು ಕನ್ನಡದಲ್ಲಿ ಪಾಂಡಿತ್ಯ ಹೊಂದಿರುವರು. ಕನ್ನಡ ಸಾಹಿತ್ಯ, ಸಂಸ್ಕೃತಿ ಕುರಿತಂತೆ 30 ಗ್ರಂಥ ಬರೆದಿದ್ದಾರೆ. ಕವಿಯಾಗಿ, ವಿಮರ್ಶಕರಾಗಿ, ಚಿಂತಕರಾಗಿ ಖ್ಯಾತರಾಗಿದ್ದಾರೆ. ಕನ್ನಡದ ಪ್ರಖ್ಯಾದ ಪತ್ರಿಕೆಗಳಲ್ಲಿ ಇವರ ವಿದ್ವತ್ಪೂರ್ಣ ಲೇಖನಗಳು ಪ್ರಕಟವಾಗಿವೆ. 200 ಕ್ಕೂ ಹೆಚ್ಚು ಲೇಖನ ಬರೆದಿದ್ದಾರೆ. ಪ್ರಮುಖ ಸಂಶೋಧನಾ ಯೋಜನೆಗಳಲ್ಲಿ ತೊಡಗಿಸಿಕೊಂಡಿದ್ದಾರೆ. ವಿಶ್ವವಿದ್ಯಾಲಯಗಳಲ್ಲಿ ಮತ್ತು ಅನೇಕ ಶೈಕ್ಷಣಿಕ ಸಂಸ್ಥೆಗಳಲ್ಲಿ ವಿದ್ವತ್ಪೂರ್ಣ ಉಪನ್ಯಾಸ ನೀಡಿದ್ದಾರೆ. ಅನೇಕ ಪ್ರಶಸ್ತಿಗಳಿಗೆ ಭಾಜನರಾಗಿದ್ದಾರೆ. ಇವರ ಪ್ರಮುಖ ಕೃತಿಗಳು: ಸತ್ತ ಹುಡಗಿಯ ನೆನಪಿಗಾಗಿ, “ತಲ್ಲಣ”, “ನಾಕೊಟ್ಟ ಮಲ್ಲಿಗೆ”, “ಮಳೆ ಬಂದ ಮಾರನೆ ದಿನ”, “ ಎಲ್ಲಿ ಹೋದಳು ಈಕೆ”, “ಹಂಬರದ ಹಾದಿ”, “ಒತ್ತಿ ಬಿಗಿದ ಸೀರೆಯೊಳಗೆ”, ಲಾಕ್ಡೌನ ಕವಿತೆಗಳು”, ಲಾಕ್ಡೌನ ಸುನೀತಗಳು”, ಮುಂತಾದವು ಇವರ ಪ್ರಮುಖ ವಿಮರ್ಶಾಕೃತಿಗಳು: “ಪರಕಾಯ”, “ಹಿಂದಣ ಹೆಜ್ಜೆಯ ನೋಡಿ”, “ಪ್ರಗತಿಶೀಲ ಕಾವ್ಯ”, “ತುಂಬಿ ಬಂದಿದೆ”, “ಅನೂಚಾನ” ವಿಶ್ವವಿದ್ಯಾಲಯದಲ್ಲಿ ಮತ್ತು ಹೊರ ಸಂಸ್ಥೆಗಳ ಅನೇಕ ಸಮಿತಿಗಳ ಸದಸ್ಯರಾಗಿದ್ದಾರೆ. ಕನ್ನಡ ಅಧ್ಯಯನ ವಿಭಾಗದ ಅಧ್ಯಕ್ಷರಾಗಿ, ವಿಶ್ವವಿದ್ಯಾಲಯದ ಶೈಕ್ಷಣಿಕ ಮಂಡಳಿ, ಪರೀಕ್ಷಾ ಮಂಡಳಿಗಳ ಅಧ್ಯಕ್ಷರಾಗಿ, ಕರ್ನಾಟಕ ವಿವಿಧ ವಿಶ್ವವಿದ್ಯಾಲಯಗಳಲ್ಲಿ ಬೇರೆ ಬೇರೆ ಸಮಿತಿಗಳ ಸದಸ್ಯರಾಗಿ ಸೇವ ಸಲ್ಲಿಸಿದ್ದಾರೆ. ಪ್ರಸ್ತುತ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದ ಶಾಸ್ತ್ರೀಯ ಕನ್ನಡ ಭಾಷಾ ಅಧ್ಯಯನ ಸಂಸ್ಥೆಯಲ್ಲಿ ಪ್ರಾಧ್ಯಾಪಕರಾಗಿದ್ದಾರೆ.

ಡಾ. ಗಜಾನನ ನಾಯ್ಕ ಅವರು ಕನ್ನಡ ಭಾಷೆ ಮತ್ತು ಸಾಹಿತ್ಯದಲ್ಲಿ ಅಪಾರ ಆಸಕ್ತಿಉಳ್ಳವರಾಗಿದ್ದು, ಕರಾವಳಿ ಕರ್ನಾಟಕದ ಪ್ರಾತಿನಿಧಿಕ ಕನ್ನಡ ಸಾಹಿತಿಗಳಾಗಿದ್ದಾರೆ. ಹಳಗನ್ನಡ ನಡುಗನ್ನಡ, ಆಧುನಿಕ ಕನ್ನಡ ಸಾಹಿತ್ಯಕ ಪರಂಪರೆ ಮತ್ತು ಅನುವಾದ ಅಧ್ಯಯನಗಳ ತಲಸ್ಪರ್ಶಿ ಪಾಂಡಿತ್ಯ ಹೊಂದಿದ ಇವರು ಅಧಿಕಾರವಾಣಿಯಿಂದ ಮಾತನಾಡಬಲ್ಲ ವಿದ್ವಾಂಸರು ಹಂಪಿಯ ಕನ್ನಡ ವಿಶ್ವವಿದ್ಯಾಲಯದಿಂದ ಎಂ. ಎ. ಪಿಎಚ್.ಡಿ ಪದವಿ ಪಡೆದಿದ್ದಾರೆ. “ಇಂಗ್ಲಿಷ್ ಗೀತೆಗಳ ಪೂರ್ವದ ಭಾಷಾಂತರ ಪ್ರಕ್ರಿಯೆ” ಎಂಬ ವಿಷಯದ ಸಂಶೋಧನಾ ಪ್ರಬಂಧಕ್ಕೆ ಡಾಕ್ಟರೇಟ್ ಪದವಿ ಪ್ರಾಪ್ತವಾಗಿದೆ 10 ವರ್ಷಗಳಿಂದ ಬೋಧನಾವೃತ್ತಿಯಲ್ಲಿದ್ದಾರೆ. ಪ್ರಸ್ತುತ ಸಹಾಯಕ ಪ್ರಾಧ್ಯಾಪಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಅನುವಾದವು ಅವರ ವಿಶೇಷ ಆಸಕ್ತಿಯ ಕ್ಷೇತ್ರವಾಗಿದೆ. “ನೆನಸುಗಳ ಧಾರಿಯಲ್ಲಿ”, “ಬೆಳಕಿನ ತುಂತುರು ನಾದ”, “ಭಾಷಾಂತರದ ಹಲವು ಮಾದರಿಗಳು”, “ಪ್ರವಾಸೋಧ್ಯಮ ಮತ್ತು ಪ್ರವಾಸ ಸಾಹಿತ್ಯ”, “ವಿವೇಕ ಸ್ಮೃತಿ”, “ಚಹರೆ” ಮುಂತಾದವು ಇವರ ಪ್ರಮುಖ ಕೃತಿಗಳು 50 ಕ್ಕಿಂತಲೂ ಹೆಚ್ಚು ಸಂಶೋಧನಾ ಲೇಖನಗಳನ್ನು ಬರೆದಿದ್ದಾರೆ. ಇವರ ಮಾರ್ಗದರ್ಶನದಲ್ಲಿ 6 ಸಂಶೋಧನಾ ವಿದ್ಯಾರ್ಥಿಗಳು ಪಿಎಚ್.ಡಿ ವ್ಯಾಸಾಂಗ ಮಾಡುತ್ತಲಿದ್ದಾರೆ. ಶಾಸ್ತ್ರೀಯ ಕನ್ನಡ ಸಂಸ್ಥೆಯ ಸಂಯೋಜಕರಾಗಿ, ಪ್ರಸಾರಾಂಗದ ಸಹಾಯಕ ನಿರ್ದೇಶಕರಾಗಿ ಕಾರ್ಯ ನಿರ್ವಹಿಸಿದ್ದಾರೆ. ಪ್ರಸ್ತುತ ಡಾ. ಬಿ. ಆರ್. ಅಂಬೇಡ್ಕರ ಅಧ್ಯಯನ ಪೀಠದ ಸಂಯೋಜಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.

ಡಾ. ಹನುಂತಪ್ಪ ಸಂಜೀವಣ್ಣನವರ ಇವರು 2012 ರಿಂದ ಬೆಳಗಾವಿಯ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿ ಸೇವೆಸಲ್ಲಿಸುತ್ತಿದ್ದಾರೆ. ಇವರು 2000ದಲ್ಲಿ ನೆಟ್ (ಓಇಖಿ) ಪಾಸಾಗಿದ್ದು, 2011 ರಲ್ಲಿ ಬಿ.ಎಡ್. ಮತ್ತು ಸೆಟ್ (Sಇಖಿ) ಪರೀಕ್ಷೆ ಪಸಾಗಿದ್ದಾರೆ. ಕನ್ನಡ ಸಾಹಿತ್ಯಕ್ಕೆ ಸಂಬಂಧಿಸಿದಂತೆ 8 ಪುಸ್ತಕಗಳನ್ನು ಪ್ರಕಟಿಸಿದ್ದಾರೆ. “ಹಾವೇರಿ ಜಿಲ್ಲೆಗೆ ಕನ್ನಡದ ಕೊಡುಗೆ” ಒಂದು ಮಹತ್ವದ ಕೃತಿ. “ಇನ್ನೆಲ್ಲಿಯೆ ಸತ್ಯ”, “ನಿಗೂಢ”, “ದೇವಗಿರಿಯ ಗಾನಝರಿ”, “ನಂದನಮಾಲೆ”, “ಕೃತಿ ಸ್ವೀಕೃತಿ”, “ಜೀನಜಂತು” ಇವು ಇವರ ಇತರ ಕೃತಿಗಳು. “ಭೋಗಭೂಮಿ” ಎಂಬ ಕೃತಿ ಸಮಕಾಲೀನ ಸಾಹಿತ್ಯ ಕುರಿತ ಕೃತಿ. ಕನ್ನಡ ಸಾಹಿತ್ಯ-ಸಂಸ್ಕೃತಿಗೆ ಸಂಬಂಧಿಸಿದಂತೆ ಅನೇಕ ಸಂಶೋಧನಾತ್ಮಕ ಲೇಖನಗಳನ್ನು ಪ್ರಕಟಿಸಿದ್ದಾರೆ. ಇವರು ಸಂಗೊಳ್ಳಿ ರಾಯಣ್ಣ ಪ್ರಥಮ ದರ್ಜೆ ಘಟಕ ಮಹಾವಿದ್ಯಾಲಯದಲ್ಲಿ ಕನ್ನಡ ಅಧ್ಯಯನಗಳ ಸ್ಥಾನೀಯ ಪ್ರಮುಖರಾಗಿದ್ದರು. ಸ್ಥಳೀಯ, ರಾಜ್ಯ ಮಟ್ಟದ, ರಾಷ್ಟ್ರಮಟ್ಟದ ಮತ್ತು ಅಂತರಾಷ್ಟ್ರೀಯ ಮಟ್ಟದ ಸೆಮಿನಾರಗಳಲ್ಲಿ ಪ್ರಬಂಧ ಮಂಡಿಸಿದ್ದಾರೆ. ಅನೇಕ ಪಿಎಚ್.ಡಿ ವಿದ್ಯಾರ್ಥಿಗಳಿಗೆ ಮಾರ್ಗದರ್ಶಕರಾಗಿದ್ದಾರೆ. “ಬೆಳಗಾವಿ ಗಲ್ಲಿಗಳು: ಒಂದು ಸಾಂಸ್ಕೃತಿಕ ಅಧ್ಯಯನ” ಎಂಬ ವಿಷಯದ ಮೇಲೆ ಸಂಶೋಧನೆ ಮಾಡುತ್ತಿದ್ದಾರೆ. “ಸಾಹಿತ್ಯ ಸಂಗಮ-5” ಎಂಬ ಪುಸ್ತಕದ ಸಂಪಾದಕರಾಗಿದ್ದಾರೆ.

ಡಾ. ಮಹೇಶ ಗಾಜಪ್ಪನವರ ಇವರು 2012 ರಿಂದ ಬೆಳಗಾವಿಯ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿದ್ದಾರೆ. ಕನ್ನಡ ಸಾಹಿತ್ಯ ಕುರಿತ ಇವರ 5 ಕೃತಿಗಳು ಪ್ರಕಟವಾಗಿವೆ. ಇವುಗಳಲ್ಲಿ “ಧಾರವಾಡ ಜಿಲ್ಲೆಯ ತತ್ವಪದ ಸಾಹಿತ್ಯ” ಎಂಬುದು ಮಹತ್ವದ ಕೃತಿಯಾಗಿದೆ. ಸಮಕಾಲಿನ ಸಾಹಿತ್ಯ ಕುರಿತಾದ “ಹೊಸ ಹೆಜ್ಜೆಗಳು” ವಿಮರ್ಶಾ ಕೃತಿಯಾಗಿದೆ. ಕನ್ನಡ ಸಾಹಿತ್ಯ-ಸಂಸ್ಕೃತಿ ಬಗ್ಗೆ 30 ಕ್ಕಿಂತ ಹೆಚ್ಚು ಸಂಶೋಧನಾತ್ಮಕ ಲೇಖನಗಳನ್ನು ಬರೆದಿದ್ದಾರೆ. ಕನ್ನಡ ಅಧ್ಯಯನಗಳ ಸ್ನಾತಕೋತ್ತರ ಕೇಂದ್ರ ವಿಜಯಪುರದಲ್ಲಿ ಸ್ಥಾನೀಯ ವಿಭಾಗಾಧ್ಯಕ್ಷರಾಗಿ ಮತ್ತು ಪ್ರಸಾರಾಂಗದಲ್ಲಿ ಸಹಾಯಕ ಕುಲಸಚಿವರಾಗಿ ಕಾರ್ಯ ನಿರ್ವಹಿಸಿದ್ದಾರೆ. ಸ್ಥಾನೀಯ, ರಾಜ್ಯ ಮಟ್ಟದ, ರಾಷ್ಟ್ರೀಯ ಹಾಗೂ ಅಂತರಾಷ್ಟ್ರೀಯ ಸೆಮಿನಾರಗಳಲ್ಲಿ ಹಾಗೂ ಕಮ್ಮಟಗಳಲ್ಲಿ ವಿದ್ವತ್ಪೂರ್ಣ ಪ್ರಬಂಧಗಳನ್ನು ಮಂಡಿಸಿದ್ದಾರೆ. ಅನೇಕ ಪಿಎಚ್.ಡಿ ವಿದ್ಯಾರ್ಥಿಗಳಿಗೆ ಮಾರ್ಗದರ್ಶನ ಮಾಡುತ್ತಿದ್ದಾರೆ. “ಗೋಕಾಕ ತಾಲೂಕಿನ ಜಾನಪದ ಕಲೆಗಳ ಪರಿಭಾಷಾ ಕೋಶ” ಕುರಿತ ಸಂಶೋಧನಾ ಯೋಜನೆಯಲ್ಲಿ ಸದ್ಯ ವ್ಯಸ್ತರಾಗಿದ್ದಾರೆ.

ಸ್ನಾತಕೋತ್ತರ ಅಧ್ಯಯನದಲ್ಲಿ ಅತ್ಯುಚ್ಚ ಹಿರಿಮೆಯನ್ನು ಸಾಧಿಸಿದುದಕ್ಕಾಗಿ ಇವರು ಆರು ಸುವರ್ಣ ಪದಕಗಳನ್ನು ಪಡೆದುಕೊಂಡಿದ್ದಾರೆ. “ಗಡಿನಾಡ ಬರಹಗಾರರ ಸಾಹಿತ್ಯದಲ್ಲಿ ಸಾಹಿತ್ಯ ಚಿಂತನೆ” ಎಂಬ ವಿಷಯದ ಸಂಶೋಧನಾ ಕೃತಿಗೆ ಎಂ.ಫಿಲ್. ಪದವಿ, “ಅನುವಾದ ಆರು ಆತ್ಮಕತೆಗಳ ವಿಶೇಷ ಅಧ್ಯಯನ” ಎಂಬ ವಿಷಯದ ಸಂಶೋಧನೆಗಾಗಿ ಪಿಎಚ್.ಡಿ. ಪದವಿ ಪಡೆದಿದ್ದಾರೆ. 2011 ರಲ್ಲಿ ಮೌನ ಚರಿತೆ ಎಂಬ ಕನನಸಂಕಲನಕ್ಕೆ “ಸಂಕ್ರಮಣ ಕಾವ್ಯಪುರಸ್ಕಾರ” ಲಭಿಸಿದೆ. ಆನಂತರ ಕರ್ನಾಟಕ ಸರಕಾರವು ಯುವ ಲೇಖಕರಾಗಿ ಕೊಡಮಾಡುವ ಯುವ ಬರಹಗಾರ ಪುರಸ್ಕಾರವೂ ಇವರಿಗೆ ಪ್ರಾಪ್ತವಾಗಿದೆ. “ಖ್ವಾಬೀದ ಹಸೀನಾ”, “ಮೌನ ಚರಿತೆ”, “ಆಕ್ಟೊವಿಯಾ ಪಾಝ್ ಕವಿತೆಗಳು”, ಎಂಬ ಕವನಸಂಕಲನಗಳು; “ಗಡಿನಾಡ ಸಾಹಿತ್ಯ ಬಿಂಬ”, “ದಲಿತ ಸಾಹಿತ್ಯ ಚಿಂತನ”, ಮುಂತಾದವು ಇವರ ಕನ್ನಡ ಸಾಹಿತ್ಯಕ್ಕೆ ನೀಡಿದ ಕೊಡುಗೆಗಳಾಗಿವೆ. ಗೋವಾದಲ್ಲಿ ಮೇನೇಝ ಬ್ರಿಗಾಂಝಾ ಸಂಸ್ಥೆಯ ಆಶ್ರಯದಲ್ಲಿ ನಡೆದ ವಿಶ್ವ ಕನ್ನಡ ಮೇಳದಲ್ಲಿ, ತುಂಗಾ ಮಹೋತ್ಸವ, ಕಿತ್ತೂರ ಉತ್ಸವ, ಬೆಳಗಾವಿ ಸಾಹಿತ್ಯ ಸಮ್ಮೇಳನ, ಉತ್ತರ ಕನ್ನಡ ಸಾಹಿತ್ಯ ಸಮ್ಮೇಳನ, ಚಾಲುಕ್ಯ ಉತ್ಸವ ಬಾದಾಮಿ, ದಸರಾ ಉತ್ಸವ ಮೈಸೂರು- ಇವುಗಳಲ್ಲಿ ಭಾಗವಹಿಸಿದ್ದಾರೆ. ಅನೇಕ ಸಂಶೋಧನಾತ್ಮಕ ಲೇಕನಗಳನ್ನು ಪ್ರಕಟಿಸಿದ್ದಾರೆ. ಇಥಿಯೋಪಿಯಾದಲ್ಲಿ ಯುನಿಸ್ಕೋದ ಆಶ್ರಯದಲ್ಲಿ ಜರುಗಿದ “ಇನ್ಟ್ಯಾಂಜಿಬಲ್ ಕಲ್ಚರಲ್ ಹೆರಿಟೇಜ್”ದ 11ನೆಯ ಗೋಷ್ಠಿಯಲ್ಲಿ ಇವರು ಆಮಂತ್ರಿತರಾಗಿದ್ದರಲ್ಲದೇ, ನಿರೀಷ್ಷಕರೆಂದು ಕಾರ್ಯನಿರ್ವಹಿಸಿದರು. ಕೇರಳದ “ಜಾನಪದ ಜಗತ್ತು”, ಜಾನಪದ ಮತ್ತು ಸಂಸ್ಕೃತಿ ಕೇಂದ್ರದ ಸಲಹಾ ಸಮಿತಿಯ ಸದಸ್ಯರಾಗಿದ್ದಾರೆ. ಆಧ್ಯಾತ್ಮಿಕ ಚಿಂತಕರು ಮತ್ತು ವಿದ್ವಾಂಸರ ಉಪನ್ಯಾಸಗಳ ವ್ಯಾಖ್ಯಾನಕರಾಗಿ-ದುಭಾಷಿಗಳಾಗಿ ಕಾರ್ಯವೆಸಗಿದ್ದಾರೆ. ಆನ್ಲೈನ್ ವಿಶ್ವಕೋಶ “ಸಹಾಪೀಡಿಯಾ” ದ “ಭಕ್ತಿ ತಮ್ಮ ಸೂಫಿ ಪರಂಪರೆಗಳ ರೂಪರೇಷಗಳು” ಎಂಬ ಯೋಜನೆಯಲ್ಲಿರೂ ಕೆಲಸ ಮಾಡಿದ್ದಾರೆ. ಪಂಜಾಬದ ಗುರುದಾಸಪುರದಲ್ಲಿ ಪಂಜಾಬ ಸರಕಾರದವರು ಸಂಘಟಿಸಿದ” ಭಾರತೀಯ ಭಾಷಾ ಕವಿ ಸಮ್ಮೇಳನದಲ್ಲಿ ಆಮಂತ್ರಿತರಾಗಿದ್ದರಲ್ಲದೇ, “ಸರ್ವಭಾರತಿ ಕವಿ ದರ್ಬಾರ”ದಲ್ಲಿ ತಮ್ಮ ಕವಿತಾವಾಚನ ಮಾಡಿದ್ದಾರೆ. ಕೇರಳದಲ್ಲಿ ಜರುಗಿದ “ದಕ್ಷಿಣ ಭಾರತೀಯ ಕಾವ್ಯ ಮಹೋತ್ಸವ”ದಲ್ಲಿ ಭಾಗವಹಿಸಿದ್ದಾರೆ. ನಿಯಮಿತವಾಗಿ ವರ್ಣಚಿತ್ರ ಪ್ರದರ್ಶನ, ಉಪನ್ಯಾಸ ಮಾಲಿಕೆ ಹಾಗೂ ಸಾಂಸ್ಕೃತಿಕ ಚಟುವಟಿಕೆಗಳನ್ನು ಸಂಘಟಿಸುತ್ತಲಿದ್ದಾರೆ. ಕಲೆ ಮತ್ತು ಸಾಹಿತ್ಯ ಇವು ವಿಶೇಷ ಆಸಕ್ತಿಯ ಕ್ಷೇತ್ರಗಳಾಗಿವೆ. ಇವರ “ಚರಿತ್ರೆ ಮತ್ತು ಕವಿತೆ” ಎಂಬ ಕವನ, ಶಿವಮೊಗ್ಗಾದ ಕುವೆಂಪು ವಿಶ್ವವಿದ್ಯಾಲಯದಲ್ಲಿ ಬಿ.ಎ/ಬಿ.ಎಸ್ಸಿ/ಬಿ.ಎಸ್.ಡಬ್ಲ್ಯೂದ 3ನೇ ಸೆಮಿಸ್ಟ್ರದ ಪಠ್ಯಪುಸ್ತಕದಲ್ಲಿ ಸೇರ್ಪಡೆಯಾಗಿದೆ. ಇರವ ಕವಿತೆಗಳು ಇಂಗ್ಲಿಷ್, ಹಿಂದಿ, ಗುಜರಾತಿ, ಮಲಯಾಳಂ ಹಾಗೂ ಇತರ ಭಾರತೀಯ ಭಾಷೆಗಳಿಗೆ ಅನುವಾದಗೊಂಡಿವೆ. ಇವರ ಕಲಾಪ್ರೌಢಿಮೆಗೆ “ಕಲಾಭೂಷಣ” ಪ್ರಶಸ್ತಿ ಲಭಿಸಿದೆ. ಹೆಚ್ಚುವರಿ ಸಹಾಯಕ ಕುಲಸಚಿವರಾಗಿಯೂ ಕಾರ್ಯ ನಿರ್ವಹಿಸಿದ್ದಾರೆ. ಪ್ರಸ್ತುತ ರಾಣಿ ಚನ್ನಮ್ಮ ಅಧ್ಯಯನ ಪೀಠದ ಸಂಯೋಜಕರಾಗಿ, ರಾಣಿ ಚನ್ನಮ್ಮ ಸ್ನಾತಕೋತ್ತರ ಶಿಕ್ಷಕರ ಸಂಘದ ಖಜಾಂಚಿಯಾಗಿದ್ದಾರೆ. ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದ ಶಾಸ್ತ್ರೀಯ ಕನ್ನಡ ಭಾಷಾ ಅಧ್ಯಯನ ಸಂಸ್ಥೆಯಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.

ಡಾ. ಪಿ. ನಾಗರಾಜರವರು ಸದ್ಯ ಬೆಳಗಾವಿಯ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದ ಶಾಸ್ತ್ರೀಯ ಕನ್ನಡ ಅಧ್ಯಯನ ಸಂಸ್ಥೆಯಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿದ್ದಾರೆ. ಅವರು ಕರ್ನಾಟಕದ ಚಿತ್ರದುರ್ಗ ಜಿಲ್ಲೆಯ ನಿವಾಸಿಗಳಾಗಿದ್ದವರು. ಬೆಂಗಳೂರು ವಿಶ್ವವಿದ್ಯಾಲಯದಿಂದ ಇವರು ಕನ್ನಡ ವಿಷಯದಲ್ಲಿ ಎಂ.ಎ ಹಾಗೂ ಪಿಎಚ್.ಡಿ ಪದವಿ ಪಡೆದಿದ್ದಾರೆ. ಇವರು ಕನ್ನಡ ಉಪನ್ಯಾಸಕರಾಗಿ ಬೆಂಗಳೂರಿನ ಆಕ್ಸಫರ್ಡ ಕಾಲೇಜ ಆಫ್ ಬಿಜಿನೆಸ್ ಮ್ಯಾನೇಜಮೆಂಟಿನಲ್ಲಿ ತಮ್ಮ ವೃತ್ತಿ ಆರಂಭಿಸಿದ್ದು 1999 ರಲ್ಲಿ 2005 ರಲ್ಲಿ ಪೂರ್ಣಾವಧಿ ಉಪನ್ಯಾಸಕರಾಗಿ ಬಸವನಗುಡಿಯ ಪ್ರತಿಷ್ಠಿತ ವಿಜಯ ಕಾಲೇಜಿನಲ್ಲಿ ಸೇರಿಕೊಂಡರು. ಸದ್ಯಕ್ಕೆ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದ ಸ್ನಾತಕೋತ್ತರ ಶಾಸ್ತ್ರೀಯ ಕನ್ನಡ ಭಾಷಾ ಅಧ್ಯಯನ ಸಂಸ್ಥೆಯಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಇವರು 6 ಪುಸ್ತಕಗಳನ್ನು ಪ್ರಕಟಿಸಿದ್ದಾರೆ. ಇವರಿಗೆ 15 ವರ್ಷಗಳ ಬೋಧನಾನುಭವವಿದೆ. ರಾಷ್ಟ್ರೀಯ ಮತ್ತು ಅಂತರಾಷ್ಟ್ರೀಯ ಮಟ್ಟದ ಸೆಮಿನಾರಗಳಲ್ಲಿ, ಕಮ್ಮಟಗಳಲ್ಲಿ ಸಂಶೋಧಾನತ್ಮಕ ಪ್ರಬಂಧಗಳನ್ನು ಮಂಡಿಸಿದ್ದಾರೆ. ಸಾಂಸ್ಕೃತಿಕ ಅಧ್ಯಯನಗಳು ಇವರ ವಿಶೇಷ ಆಸಕ್ತಿಯ ಕ್ಷೇತ್ರಗಳು. ವಿದ್ಯಾರ್ಥಿಗಳ ಶೈಕ್ಷಣಿಕ ಉನ್ನತಿಯೇ ಅವರ ಏಕೈಕ ಗುರಿಯಾಗಿದ್ದು, ಅದರಲ್ಲಿ ನಿಷ್ಠಾಪೂರ್ವಕವಾಗಿ ಶ್ರಮಿಸುತ್ತಿದ್ದಾರೆ.