Hide Main content block

ಕುಲಸಚಿವರು, ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯ, ಬೆಳಗಾವಿ

 ಶ್ರೀಮತಿ ಕೆ. ಟಿ. ಶಾಂತಲಾ, ಕೆ.ಎ.ಎಸ್.
ಕುಲಸಚಿವರು
ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯ, ಬೆಳಗಾವಿ.

        ಶ್ರೀಮತಿ. ಕೆ.ಟಿ. ಶಾಂತಲಾ ರವರು ೧೯೯೮ನೆಯ ಕರ್ನಾಟಕ ಆಡಳಿತ ಸೇವೆಗಳು (ಕೆ.ಎ.ಎಸ್.) ಬ್ಯಾಚ್ನ ಅಧಿಕಾರಿಗಳು, ಸಾರ್ವಜನಿಕ ಆಡಳಿತದ ಬದ್ಧತೆಯ ಕಾರ್ಯವೈಖರಿ ಅವರದ್ದು, ಆಡಳಿತದಲ್ಲಿ ನ್ಯಾಯಪರತೆ, ದಕ್ಷತೆ ಹಾಗೂ ಶಿಸ್ತನ್ನು ರೂಢಿಸಿಕೊಂಡ ಅವರು ಅನೇಕ ಆಡಳಿತಾತ್ಮಕ ಹುದ್ದೆಗಳಲ್ಲಿ ಕಾರ್ಯನಿರ್ವಹಿಸಿ, ಪ್ರತಿಷ್ಠಿತ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದ ಮೊದಲ ಮಹಿಳಾ ಕುಲಸಚಿವರಾಗಿ ಕರ್ತವ್ಯ ನಿರ್ವಹಿಸುತ್ತಿರುವರು. ಮೈಸೂರು ವಿಶ್ವವಿದ್ಯಾಲಯದಿಂದ ಎಂ.ಎ. ಇಂಗ್ಲೀಷ ಪದವಿಯನ್ನು ಪಡೆದುಕೊಂಡ ಅವರು ಮೂಲತಃ ಇಂಗ್ಲೀಷ ಸಾಹಿತ್ಯದ ವಿದ್ಯಾರ್ಥಿಗಳು. ಕರ್ನಾಟಕ ಆಡಳಿತ ಸೇವೆಗಳ ಪರೀಕ್ಷೆಯನ್ನು ಎದುರಿಸಿ ತೇರ್ಗಡೆ ಹೊಂದಿ ಯಶಸ್ವಿಯಾದರು.

ಈ ಮಧ್ಯೆ ಪತ್ರಿಕೋಧ್ಯಮ ಮತ್ತು ಸಮೂಹ ಮಾಧ್ಯಮ ವಿಷಯದಲ್ಲಿ ಪಿ.ಜಿ. ಡಿಪ್ಲೋಮಾ ಪದವಿಯನ್ನು ಮುಡಿಗೇರಿಸಿಕೊಂಡಿರುವರು. ದಿ ಎಕನಾಮಿಕ್ ಟೈಮ್ಸ್ ಪತ್ರಿಕೆಯಲ್ಲಿ Copy Editor ಹುದ್ದೆಯಿಂದ ತಮ್ಮನ್ನು ವೃತ್ತಿ ಬದುಕಿಗೆ ತೊಡಗಿಸಿಕೊಂಡರು. ಅನಂತರ ಬೆಂಗಳೂರಿನ ಇ.ಎಸ್.ಐ. ಟೆಕ್ನಾಲಜಿಸ್ನಲ್ಲಿ Technical Writer ಹುದ್ದೆಯನ್ನು ಸೇರಿದರು. ೨೦೦೬ರಲ್ಲಿ ತಹಶೀಲ್ದಾರ್ ಹುದ್ದೆಗೆ ನೇಮಕವಾಗಿ ಕೋಲಾರ ಜಿಲ್ಲೆಯಲ್ಲಿ ತರಬೇತಿ ಹೊಂದಿದರು. ಆರಂಭದಲ್ಲಿ ಕರ್ನಾಟಕ ರಾಜ್ಯ ಹಣಕಾಸು ನಿಗಮದಲ್ಲಿ ಆಗಸ್ಟ್ ೨೦೦೮ರಿಂದ ನವೆಂಬರ್ ೨೦೦೯ರವರೆಗೆ ತಮ್ಮ ಪ್ರಥಮ ಸೇವೆಯನ್ನು ಸಲ್ಲಿಸಿ ತಮ್ಮ ಆಡಳಿತಾತ್ಮಕ ಸೇವೆಗೆ ಮುನ್ನುಡಿಯನ್ನು ಬರೆದುಕೊಂಡರು. ಅನಂತರ ತಹಶೀಲ್ದಾರ್ ಭೂಸ್ವಾಧೀನ ಮತ್ತು TDR ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆಯಲ್ಲಿ ಸೇವೆಯನ್ನು ಸಲ್ಲಿಸಿ ಜನಮನ್ನಣೆಯನ್ನು ಗಳಿಸಿಕೊಂಡರು. ಕರ್ನಾಟಕ ಸರ್ಕಾರದ ಪೌರಾಡಳಿತ ಸುಧಾರಣಾ ಕೋಶದಲ್ಲಿ ಯೋಜನೆಗಳ ಸಂಯೋಜಕರಾಗಿ ಕೆಲಸವನ್ನು ನೆರವೇರಿಸಿರುವರು.

ಡಿಸೆಂಬರ್ ೨೦೧೨ರಿಂದ ಚಿಕ್ಕಬಳ್ಳಾಪುರ ಜಿಲ್ಲೆಯ ಉಪವಿಭಾಗಾಧೀಕಾರಿಗಳಾಗಿ ಹಾಗೂ ದಂಡಾಧೀಕಾರಿಗಳಾಗಿ ಆಗಸ್ಟ್ ೨೦೧೪ರವರೆಗೆ ಸೇವೆ ಸಲ್ಲಿಸಿ ಕಂದಾಯ ಇಲಾಖೆಯಲ್ಲಿ ತಮ್ಮ ಸೇವೆಯನ್ನು ದಾಖಲಿಸಿದರು. ಸೆಪ್ಟೆಂಬರ್ ೨೦೧೪ರಿಂದ ಕರ್ನಾಟಕ ಆಡಳಿತ ಮಂಡಳಿಯಲ್ಲಿ ರಜಿಸ್ಟ್ರಾರ್ರಾಗಿ ನಂತರ ಕರ್ನಾಟಕ ಆಹಾರ ಮತ್ತು ನಾಗರಿಕ ಸರಬರಾಜು ನಿಗಮದಲ್ಲಿ ಉಪ ಪ್ರಧಾನ ವ್ಯವಸ್ಥಾಪಕರಾಗಿ ಗಮನಾರ್ಹ ಸೇವೆಯನ್ನು ಸಲ್ಲಿಸಿರುವರು. ರೇರಾ ಕಾಯ್ದೆಯನ್ನು ಯಶಸ್ವಿಯಾಗಿ ಅನುಷ್ಠಾನಕ್ಕೆ ತರುವಲ್ಲಿ ಒಬ್ಬ ಅಧಿಕಾರಿಯಾಗಿ ಪ್ರಾಮಾಣಿಕ ಪ್ರಯತ್ನವನ್ನು ಮಾಡಿದರು. ರೇಷ್ಮೆ ಕೃಷಿ ಇಲಾಖೆಯಲ್ಲಿ ಜಂಟಿ ನಿರ್ದೆಶಕರಾಗಿ ಆಡಳಿತ ವಿಭಾಗದ ಹೊಣೆಹೊತ್ತು ಶ್ಲಾಘನೀಯ ಕೆಲಸವನ್ನು ಮಾಡಿರುವರು. ೨೦೧೯ರಲ್ಲಿ ಕೆ.ಎ.ಎಸ್. ಹಿರಿಯ ಶ್ರೇಣಿಗೆ ಬಡ್ತಿಯನ್ನು ಪಡೆದು ಮಂಡ್ಯ ಜಿಲ್ಲೆಗೆ ಅಪರ ಜಿಲ್ಲಾಧಿಕಾರಿಗಳಾಗಿ ಜನಸೇವೆಯನ್ನು ಮಾಡಿರುವರು. ಮೇ-2022, ರಲ್ಲಿ ಆಯ್ಕೆ ಶ್ರೇಣಿಗೆ ಬಡ್ತಿ ಹೊಂದಿರುತ್ತಾರೆ. ಇಂತಹ ಒಬ್ಬ ಅಧಿಕಾರಿಗಳವರು ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದ ಕುಲಸಚಿವರು ಹುದ್ದೆಯ ಶೈಕ್ಷಣಿಕ ಸೇವೆಯಲ್ಲಿ ತೊಡಗಿಸಿಕೊಂಡಿರುತ್ತಾರೆ.

Top