ಡಾ. ವಾಯ್.ಎಸ್. ಬಲವಂತಗೋಳ: ಇವರು ಪ್ರಸ್ತುತ ರಾಜ್ಯಶಾಸ್ತ್ರ ವಿಭಾಗದಲ್ಲಿ ಪ್ರಾಧ್ಯಾಪಕರಾಗಿ ಹಾಗೂ ಅಧ್ಯಕ್ಷರಾಗಿ ಕಾರ್ಯವನ್ನು ನಿರ್ವಹಿಸುತ್ತಿದ್ದಾರೆ. ನವದೆಹಲಿಯ ಜವಾಹರಲಾಲ್ ನೆಹರು ವಿಶ್ವವಿದ್ಯಾಲಯದಿಂದ ಎಮ್. ಎ., ಎಮ್. ಫಿಲ್ ಹಾಗೂ ಪಿಎಚ್.ಡಿ ಪದವಿಯನ್ನು ಪಡೆದಿರುವ ಇವರು ಸುಮಾರು 19 ವರ್ಷಗಳ ಸೇವಾ ಅನುಭವವನ್ನು ಹೊಂದಿದ್ದಾರೆ. 2012 ರಿಂದ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದಲ್ಲಿ ಸೇವೆಯಲ್ಲಿ ನಿರತರಾಗಿದ್ದು, ಸುಮಾರು 18 ಪುಸ್ತಕಗಳು ಹಾಗೂ 35 ಸಂಶೋಧನಾ ಪ್ರಬಂಧಗಳನ್ನು ಬರೆದಿದ್ದಾರೆ. ಹಲವಾರು ರಾಜ್ಯ ಮಟ್ಟದ, ರಾಷ್ಟ್ರೀಯ ಹಾಗೂ ಅಂತರರಾಷ್ಟ್ರೀಯ ಮಟ್ಟದ ಸಮ್ಮೇಳನ ಹಾಗೂ ವಿಚಾರಗೋಷ್ಠಿಗಳಲ್ಲಿ ಭಾಗವಹಿಸಿ ಸಾಕಷ್ಟು ಉಪನ್ಯಾಸಗಳನ್ನು ನೀಡಿದ್ದಾರೆ.

ಡಾ.ಕಮಲಾಕ್ಷಿ .ಜಿ. ತಡಸದ, ಪ್ರಾಧ್ಯಾಪಕರು- ಡಾ.ಕಮಲಾಕ್ಷಿ ಜಿ. ತಡಸದ, ಪ್ರಾಧ್ಯಾಪಕರು, ರಾಜ್ಯಶಾಸ್ತ್ರ ವಿಭಾಗ, ರಾಣಿ ಚನ್ನಮ್ಮಾ ವಿಶ್ವವಿದ್ಯಾಲಯ, ಬೆಳಗಾವಿ. 23 ವರ್ಷಗಳ ಭೋದನೆಯ ಹಾಗೂ ಸಂಶೋಧನೆಯ ಅನುಭವ ಹೊಂದಿದ ಇವರು 12 ಕೃತಿಗಳು ಹಾಗೂ 61 ಹಲವಾರು ಸಂಶೋಧನಾ ಲೇಖನಗಳನ್ನು ಪೀರ ರೀವಿವ್ಯೂಡ್, ರಾಷ್ಟ್ರೀಯ ಮತ್ತು ಅಂತರಾಷ್ಟ್ರೀಯ ಮನ್ನಣೆ ಪಡೆದ ಜರ್ನಲ್ಗಳಲ್ಲಿ ಪ್ರಕಟಣೆ ಮಾಡಿದ್ದಾರೆ. ಭಾರತದ ಸಾರ್ವಜನಿಕ ಆಡಳಿತದ ಜರ್ನಲ್ ಮತ್ತು ಭಾರತೀಯ ರಾಜ್ಯಶಾಸ್ತ್ರ ಜರ್ನಲ್ ಪ್ರಮುಖವಾದವುಗಳು. ಇವರ ಮಾರ್ಗದರ್ಶನದಲ್ಲಿ 9 ವಿದ್ಯಾರ್ಥಿಗಳು ಡಾಕ್ಟರೇಟ ಪದವಿಯನ್ನು ಪಡೆದಿದ್ದಾರೆ. ರಾಷ್ಟ್ರೀಯ ಚುನಾವಣಾ ಅಧ್ಯಯನಗಳಲ್ಲಿ ಉತ್ತಮ ಕ್ಷೇತ್ರಕಾರ್ಯ ಉನ್ನತ ತನಿಖಾಕಾರರೆಂದು ಪ್ರಶಸ್ತಿಯನ್ನು (ಕರ್ನಾಟಕ ರಾಜ್ಯ) ಪಡೆದಿದ್ದಾರೆ. ಹಲವಾರು ರಾಷ್ಟ್ರೀಯ ಅಂತರರಾಷ್ಟ್ರೀಯ ಪ್ರೋಜೆಕ್ಟಗಳಲ್ಲಿ ಸಂಯೋಜಕರಾಗಿ ಕೆಲಸ ಮಾಡಿದ್ದಾರೆ. ಸೆಂಟರ್ ಫಾರ್ ಡೆವಲಪಿಂಗ ಸೊಸೈಟಿಸ ನವದೆಹಲಿ ಮತ್ತು ಅಂತರರಾಷ್ಟ್ರೀಯ ರಚನಾತ್ಮಕ ಭೋಧನಾ ಅಕಾಡೆಮಿ ಬೆಂಗಳೂರು ಮತ್ತು ಸಮಾಜ ವಿಜ್ಞಾನಗಳ ಸಂಶೋಧನಾ ಸಂಸ್ಥೆ ಮಿಚಿಗನ್ ವಿಶ್ವವಿದ್ಯಾಲಯ ಸಹಯೊಗದೊಂದಿಗೆ ಜಾಗತಿಕ ಮೌಲ್ಯ ಸಮಿಕ್ಷೆಯಲ್ಲಿ ಭಾರತಕ್ಕೆ ಸಂಬಂದಿಸಿದಂತೆ ಅಧ್ಯಯನವನ್ನು ನಡೆಸಿದ್ದಾರೆ ಮತ್ತು 2017 ರ ಕರ್ನಾಟಕ ವಿಧಾನಸಭಾ ಚುನಾವಣೆ ಅಧ್ಯಯನಗಳ CSDS, ನವದೆಹಲಿ ಸಹಯೋಗದಲ್ಲಿ ಕೆಲಸ ಮಾಡಿದ್ದಾರೆ. ಪರೀಕ್ಷಾ ಮಂಡಳಿ ಹಾಗೂ ಅಭ್ಯಾಸ ಮಂಡಳಿಯ ಅಧ್ಯಕ್ಷರು ಮತ್ತು ಸದಸ್ಯರಾಗಿ ಕಾರ್ಯನಿರ್ವಹಿಸಿದ್ದಾರೆ. ರಾಷ್ಟ್ರ ಮತ್ತು ರಾಜ್ಯ ಮಟ್ಟಗಳ ಸಮ್ಮೇಳನಗಳಲ್ಲಿ ಸಂಪನ್ಮೂಲ ವ್ಯಕ್ತಿಯಾಗಿ ಪರಿಣಿತ ಉಪನ್ಯಾಸವನ್ನು ಮತ್ತು ಆಶಯ ಭಾಷಣವನ್ನು ನೀಡಿರಿರುತ್ತಾರೆ. ಭಾರತೀಯ ರಾಜ್ಯಶಾಸ್ತ್ರ ಸಂಘ (IPSA) ಮತ್ತು ಭಾರತೀಯ ಸಾರ್ವಜನಿಕ ಆಡಳಿತ ಸಂಸ್ಥೆಯ (IIPA) ಇಂತಹ ಪ್ರಮುಖ ಸಂಘಗಳೊಂದಿಗೆ ಇನ್ನೂ ಹಲವಾರು ಶೈಕ್ಷಣಿಕ ಮತ್ತು ವೃತ್ತಿಪರ ಸಂಘಗಳಲ್ಲಿ ಅಜೀವ ಸದಸ್ಯರಾಗಿರುತ್ತಾರೆ. ರಾಷ್ಟ್ರೀಯ ಶಿಕ್ಷಣ ನೀತಿಯ 2020 ರ ರಾಜ್ಯಶಾಸ್ತ್ರ ಹಾಗೂ ಸಾರ್ವಜನಿಕ ಆಡಳಿತದ ಪಠ್ಯಕ್ರಮ ಸದನದ ಸದಸ್ಯ (ಸ್ನಾತಕ ಪದವಿ) (Government of Karnataka. Government orders no ED 26 June 2019, Bengaluru dated:19.06.2021.) ಮತ್ತು ರಾಣಿ ಚನ್ನಮ್ಮಾ ವಿಶ್ವವಿದ್ಯಾಲಯದಲ್ಲಿ ಹಲವಾರು ಆಡಳಿತಾತ್ಮಕ ಜವಾಬ್ದಾರಿಗಳನ್ನು ಅಧ್ಯಕ್ಷರು ಮತ್ತು ಸದಸ್ಯರಾಗಿ ಕಾರ್ಯನಿರ್ವಹಿಸಿದ್ದಾರೆ. ರಾಜ್ಯಶಾಸ್ತ್ರ ವಿಷಯದ ತಜ್ಞರಾಗಿ ಕೇಂದ್ರ ಲೋಕಸೇವಾ ಆಯೋಗ (UPSC) ಹಾಗೂ K-SLET ಕಾರ್ಯನಿರ್ವಹಿಸಿದ್ದಾರೆ. ನಿರ್ದೇಶಕರು (Former) ಪಂಡಿತ್ ದೀನ್ದಯಾಳ್ ಉಪಾಧ್ಯಾಯ ಅಧ್ಯಯನ ಪೀಠದಲ್ಲಿ ಕೆಲಸ ನಿರ್ವಹಿಸಿರುತ್ತಾರೆ. ಕರ್ನಾಟಕ ರಾಜ್ಯ ಉನ್ನತ ಶಿಕ್ಷಣ ಫರಿಷತ್ತಿನ ರಾಜ್ಯಶಾಸ್ತ್ರ ವಿಷಯದ ತಜ್ಞ ಸದಸ್ಯರು ಮತ್ತು ಪತ್ರಿಕೋದ್ಯಮ ಮತ್ತು ಸಮೂಹ ಸಂವಹನ ವಿಷಯ ತಜ್ಞರ ಸಮಿತಿಯ ವಿಶೇಷ ಆಹ್ವಾನಿತರ ಸದಸ್ಯರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ ಪ್ರಸ್ತುತ ರಾಜ್ಯಶಾಸ್ತ್ರ ವಿಭಾಗದ ಅಧ್ಯಕ್ಷರು ಹಾಗೂ ಪತ್ರಿಕೋದ್ಯಮ ಮತ್ತು ಸಂವಹನ ವಿಭಾಗದ ಅಧ್ಯಕ್ಷರಾಗಿ (ಪ್ರಭಾರಿ) ಹಾಗು ರಾಷ್ಟ್ರೀಯ ಸೇವಾ ಯೋಜನೆ ಕೋಶ, ರಾಣಿ ಚನ್ನಮ್ಮಾ ವಿಶ್ವವಿದ್ಯಾಲಯದ ಸಂಯೋಜನಾ ಅಧಿಕಾರಿಯಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.More...

ಡಾ. ಎಮ್.ಎನ್. ರಮೇಶ- ಮೈಸೂರು ವಿಶ್ವವಿದ್ಯಾಲಯದಿಂದ ಡಾಕ್ಟರೇಟ್ ಪದವಿಯನ್ನು ಪ್ರೊ. ಜಿ ಟಿ. ರಾಮಚಂದ್ರಪ್ಪ, ಪ್ರಾಧ್ಯಾಪಕರು, ರಾಜ್ಯಶಾಸ್ತ್ರ ವಿಭಾಗ, ಮೈಸೂರು ವಿಶ್ವವಿದ್ಯಾಲಯ ಮೈಸೂರು ದಿಂದ ಯಶಸ್ವಿಯಾಗಿ ಪೂರ್ಣಗೊಳಿಸಿರುತ್ತಾರೆ. ನಂತರ 2005 ರಿಂದ 2011ರ ಅವಧಿಯಲ್ಲಿ ಬೆಂಗಳೂರಿನ ಇಂಡಿಯನ್‍ಅಕಾಡೆಮಿ ಪದವಿ ಕಾಲೇಜಿನಲ್ಲಿ ಭೋಧನಾಕಾರ್ಯವನ್ನು ನಿರ್ವಹಿಸಿರುತ್ತಾರೆ. ಆ ನಂತರದಲ್ಲಿ ಬಳ್ಳಾರಿಯ ವಿಜಯನಗರ ಶ್ರೀ ಕೃಷ್ಣದೇವರಾಯ ವಿಶ್ವವಿದ್ಯಾಲಯದಲ್ಲಿ ಸೆಪ್ಟೆಂಬರ್ 2011 ರಿಂದ ಮೇ 2012 ರವರೆಗೆ ರಾಜ್ಯಶಾಸ್ತ್ರ ವಿಭಾಗದಲ್ಲಿ ಪೂರ್ಣ ಸಮಯದ ಭೋಧನಾಕಾರ್ಯವನ್ನು ನಿರ್ವಹಿಸುತ್ತಾರೆ 9ನೇ ಜುಲೈ 2012 ರಿಂದಇಲ್ಲಿಯವರೆಗೆ ರಾಜ್ಯಶಾಸ್ತ್ರ ವಿಭಾಗ, ರಾಣಿಚನ್ನಮ್ಮ ವಿಶ್ವವಿದ್ಯಾಲಯ ಬೆಳಗಾವಿಯಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿ ಭೋಧನಾಕಾರ್ಯವನ್ನು ಆರಂಭಿಸಿದರು. ಸಂಶೋಧನಾ ಮತ್ತು ಸೆಮಿನಾರ್ • ಎರಡು ದಿನಗಳ ರಾಷ್ಟ್ರೀಯ ಸಮ್ಮೇಳನ “ರಾಜಕೀಯ ಸಜ್ಜುಗೊಳ್ಳುವಿಕೆ ಮತ್ತು ಸಂಘಟನೆಯ ಮೂಲಕ ಮಹಿಳೆಯರ ಸಬಲೀಕರಣ” ಐಸಿಎಸ್‍ಎಸ್‍ಆರ್ ನವದೆಹಲಿಯ ಪ್ರಾಯೋಜಿಕತ್ವದಲ್ಲಿ 29 ಮತ್ತು 30 ನವೆಂಬರ್ 2018 ರಂದು ಆಯೋಜಿಸಿರುತ್ತಾರೆ. • ಐಸಿಎಸ್‍ಎಸ್‍ಆರ್‍ದಕ್ಷಿಣ ಪ್ರಾದೇಶಿಕ ಕೇಂದ್ರ, ಹೈದರಾಬಾದ್ 9 ಮತ್ತು 10 ಪೆಬ್ರುವರಿ 2018 ರಪ್ರಾಯೋಜಿಕತ್ವದಲ್ಲಿ ಜಾಗತೀಕರಣದ ಆರಂಭದಲ್ಲಿ ಭಾರತೀಯ ರಾಜಕೀಯ ವ್ಯವಸ್ಥೆಯ ಪುನರ್ ನಿರ್ಮಾಣ ಕುರಿತು ಎರಡು ದಿನಗಳ ರಾಷ್ಟ್ರೀಯ ಸಮ್ಮೇಳನವನ್ನು ಆಯೋಜಿಸಲಾಗಿದೆ. ಆಡಳಿತ ಅನುಭವ ಸಹಾಯಕ ಕುಲಸಚಿವರು ಪರೀಕ್ಷಾ ವಿಭಾಗ, ಪಿ.ಜಿ.ಸೆಂಟರ್, ಜಮಖಂಡಿಯ ಸಂಯೋಜಕರಾಗಿ, ಎನ್.ಎಸ್.ಎಸ್. ನ್ ಕಾರ್ಯಕ್ರಮ ಅಧಿಕಾರಿಯಾಗಿ ಕಾರ್ಯನಿರ್ವಹಿಸಿರುತ್ತಾರೆ.

ಡಾ. ಪ್ರಕಾಶಎಸ್. ಕಟ್ಟಿಮನಿ ಸದ್ಯ ರಾಣಿಚನ್ನಮ್ಮ ವಿಶ್ವವಿದ್ಯಾಲಯದ ರಾಜ್ಯಶಾಸ್ತ್ರ ವಿಭಾಗದಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಇವರು ಧಾರವಾಡದ ಕರ್ನಾಟಕ ವಿಶ್ವವಿದ್ಯಾಲಯದ ರಾಜ್ಯಶಾಸ್ತ್ರ ವಿಭಾಗದಲ್ಲಿ ಸ್ನಾತಕೋತ್ತರ ಪದವಿ ಮತ್ತು ಪಿಎಚ್.ಡಿ ಪದವಿಗಳನ್ನು ಪಡೆದಿದ್ದಾರೆ. ಭಾರತದಲ್ಲಿ ಸ್ಥಳೀಯ ಸರಕಾರ, ಭಾರತ ಸರಕಾರ ಮತ್ತು ರಾಜಕೀಯ ಹಾಗೂ ಕರ್ನಾಟಕದಲ್ಲಿ ದಲಿತ ಚಳುವಳಿಗಳು ಇವರ ವಿಶೇಷವಾದ ಸಂಶೋಧನಾ ವಿಷಯಗಳಾಗಿವೆ. ವಿಶ್ವವಿದ್ಯಾಲಯಧನ ಸಹಾಯ ಆಯೋಗ ನಡೆಸಲ್ಪಡುವ ರಾಷ್ಟ್ರೀಯ ಅರ್ಹತಾ ಪರೀಕ್ಷೆಯನ್ನು ಕಿರಿಯ ಸಂಶೋಧನಾ ಶಿಷ್ಯವೇತನದೊಂದಿಗೆ ಉನ್ನತರ್ಯಾಂಕ್‍ನಲ್ಲಿ ಪಡೆದಿದ್ದಾರೆ. ಇವರ ಲೇಖನಗಳು ರಾಷ್ಟ್ರೀಯ ಮತ್ತು ಅಂತರಾಷ್ಟ್ರೀಯ ಪ್ರಮುಖ ಪತ್ರಿಕೆಗಳಲ್ಲಿ ಪ್ರಕಟವಾಗಿವೆ. ಅನೇಕ ವಿಶ್ವವಿದ್ಯಾಲಯ ಮತ್ತು ಕಾಲೇಜುಗಳ ವಿಚಾರ ಸಂಕಿರ್ಣಗಳಲ್ಲಿ ಸಂಶೋಧನಾ ಪ್ರಬಂಧಗಳನ್ನು ಮಂಡಿಸಿದ್ದಾರೆ. ಪ್ರಸ್ತುತ ಇವರು ಮಹಾದಾಯಿ ನದಿ ನೀರಿನ ವಿವಾದ ಕುರಿತು ವಿಶೇಷ ಅಧ್ಯಯನಕೈಗೊಂಡಿದ್ದಾರೆ.

ಡಾ. ಡಿ. ಜಿ. ಹನುಮಂತಪ್ಪ ಸ್ನಾತಕೋತ್ತರ ರಾಜ್ಯಶಾಸ್ತ್ರ ಅಧ್ಯಯನ ಮತ್ತು ಸಂಶೋಧನಾ ವಿಭಾಗದಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿ ಕಾರ್ಯನಿರ್ವಹಿಸುತ್ತಿರುವ ಡಾ. ಡಿ.ಜಿ ಹನುಮಂತಪ್ಪ ಇವರು ಮೂಲತಃ ಚಿತ್ರದುರ್ಗಜಿಲ್ಲೆಯವರು. ತಮ್ಮ ಸ್ನಾತಕೋತ್ತರ ಮತ್ತು ಪಿಹೆಚ್.ಡಿ ಪದವಿಯನ್ನು ಕ್ರಮವಾಗಿ ಕುವೆಂಪು ವಿಶ್ವವಿದ್ಯಾನಿಲಯ ಮತ್ತು ಮೈಸೂರು ವಿಶ್ವವಿದ್ಯಾನಿಲಯದಿಂದ ಪಡೆದಿದ್ದಾರೆ. 2017ರಲ್ಲಿ ಲೋಕಸಭಾ ಪೆಲೋಶಿಪ್‍ಗಾಗಿ ದೆಹಲಿಯಲ್ಲಿನ ಸಂಸತ್ತಿಗೆ ಭೇಟಿ ನೀಡಿರುವ ಇವರು 2018ರಲ್ಲಿ ಪ್ರತಿಷ್ಠಿತ ಭಾರತೀಯ ಸಾಮಾಜಿಕ ಸಂಶೋಧನಾ ಸಂಸ್ಥೆ (ಐ.ಸಿ.ಎಸ್.ಎಸ್.ಆರ್)ನ ಧನಸಹಾಯದೊಂದಿಗೆ ಸಂಶೋಧನಾ ಯೋಜನೆಯನ್ನು ಯಶಸ್ವಿಯಾಗಿ ಪುರೈಸಿರುತ್ತಾರೆ. ಇವರು ತಮ್ಮ ನಿರಂತರ ಬೋಧನೆ ಜೊತೆ ಜೊತೆಗೆ ತಮ್ಮ ಜ್ಞಾನವನ್ನು ಪುಸ್ತಕಗಳು ಮತ್ತು ಲೇಖನಗಳ ಮೂಲಕ ನಿರಂತರವಾಗಿ ವಿವಿಧ ಪತ್ರಿಕೆಗಳಲ್ಲಿ ಪ್ರಕಟಣೆಗಳ ಮೂಲಕ ಹೊರತರುತ್ತಿರುತ್ತಾರೆ. ವಿವಿಧ ವಿಚಾರ ಸಂಕಿರಣ, ಸಮ್ಮೇಳನ ಮತ್ತು ಕಾರ್ಯಾಗಾರಗಳಲ್ಲಿ ಲೇಖನಗಳನ್ನು ಮಂಡಿಸುವುದರ ಜೊತೆಗೆ ವಿವಿಧ ಶ್ಯೆಕ್ಷಣೀಕ ಮತ್ತು ಆಡಳಿತಾತ್ಮಕ ಸಂಸ್ಥೆಗಳಲ್ಲಿ ಸಂಪನ್ಮೂಲ ವ್ಯಕ್ತಿಯಾಗಿ ಭಾಗವಹಿಸಿದ್ದಾರೆ. ವಿವಿಧ ಅಂತರರಾಷ್ಟ್ರೀಯ ಮತ್ತು ರಾಷ್ಟ್ರ ಮಟ್ಟದಲ್ಲಿನ ಶ್ಯೆಕ್ಷಣೀಕ ಸಂಶೋಧನಾ ಪತ್ರಿಕೆಗಳ ನಿಯತಕಾಲಿಕೆಗಳಿಗೆ ಸಂಪಾದಕ ಮಂಡಳಿಯ ಸದಸ್ಯರಾಗುವ ಮೂಲಕ ಸದಾ ಶ್ಯೆಕ್ಷಣೀಕ ಚಟವಟಿಕೆಗಳಲ್ಲಿ ಸಕ್ರಿಯರಾಗಿರುವ ಇವರು ತಮ್ಮ ವಿಶೇಷ ಪರಿಣಿತ ಕ್ಷೇತ್ರಗಳಲ್ಲಿ ವಿದ್ಯಾರ್ಥಿಗಳಿಗೆ ಕೊಡುಗೆ ನೀಡಲು ಬದ್ಧರಾಗಿದ್ದಾರೆ.